Даходы Ozon у Беларусі выраслі амаль у 3,5 разу

Даходы маркетплэйса вырасьлі амаль у 3,5 разы ў параўнаньні з папярэднім годам, піша myfin.by.

Колькасьць пастаянных пакупнікоў у краіне павялічылася ўдвая.

Людзі сталі часьцей карыстацца плятформай: у сярэднім кожны кліент робіць больш за 30 заказаў у год — гэта на 6 заказаў больш, чым раней.

У выніку, агульная колькасьць заказаў у Беларусі вырасла ў 4 разы за год.

У кампаніі ўжо ёсьць свой склад у Менску і сартавальны цэнтар у Воршы. Таксама Ozon актыўна павялічвае колькасьць пунктаў выдачы па ўсёй краіне.

Ozon быў заснаваны ў 1998 годзе ў Расеі як інтэрнэт-кнігарня. Стаўшы адным з найвялікшых маркетплэйсаў, на беларускі рынак ён афіцыйна выйшаў у 2021 годзе.