Два месяцы таму ў яго выявілі рак лёгкіх. У мэдычным цэнтры Іліеску правёў 57 дзён.
Іліеску набыў шырокую папулярнасьць пасьля паўстаньня супраць дыктатара Нікаляе Чаўшэску, які быў зрынуты і пакараны сьмерцю ў сьнежні 1989 году. Але сотні людзей загінулі падчас пераходу ўлады, і супернікі Іліеску абвінавацілі яго ў крадзяжы рэвалюцыі ў народу.
Крытыкі ў краіне і за мяжой абвінавацілі Іліеску, які пайшоў у адстаўку ў 2004 годзе, і іншых вядучых палітыкаў у спробе блякаваць рэформы і абараніць палітычную спадчыну і кіроўную эліту камуністычнай сыстэмы.
У 2019 годзе ён быў афіцыйна абвінавачаны ў злачынствах супраць чалавечнасьці падчас антыкамуністычнай рэвалюцыі 1989 году. Дату суду так і не прызначылі, сам Іліеску заўсёды адкідаў усе абвінавачаньні.
Форум